suyapayasqaykich takyanaypaq

Suyapayasqakich wayna kuyay paqarimuypi, wayrapa raprachanpi

Takyapayanaypaq.

Tutakuna mastarichiyta munaspa killanchikpa munaycha qawapayayninpi

Quyllur tukuspach suyapayasqayki paqarin achikyaypi

Higo sachapa muyuriynimpich suyapayasqayki llantuchaywan

Qayna punchaw tarpukusqanchikta,

Almanchik (ALLPANCHIKPI) sunquchan kuska mikunanchikpaq

Punchaw ripunan antahuayllapi, tukuy niraq chirapa allpanchikpa hanayninpim, qasilla, samasqalla suyapayasqayki

Hatun punchaw kicharikuy waytapayay killakunapi, qatariyninchikta pirqapayaspay, ñawpaqninchik chayarimuypiña kachkaptinmi

Suyapayasqayki kusi kausayta suyaspalla

Imay manata ruwachkaspa wañunayachkaspapas, pillpintuchakunapa raprachampi qipakullaspapas, pacha wañuynimpiña tarikuspapas

Suyasqaykich tuta punchaw wañuyninkama

Wayna kuyapayay, sumay kuyay, sumaqpuni takicha, sumaq tanka

Wayrakunapi nina tuqyayninwan, achikyaypi raymiwan

Suyarisqayki Iswapi

Llaqtaykunapi

achikyaykunapi

Hina kaqllatam suyarisqayki, wayna kuyakuyniypa kuyakuyninwan

Suyallasqayki punchawpa ripukuyninpi

Wiñaykama…

Suyapayay tukuynimpipas

Kuyakuychaykunach sunqu rurulla suyallasunki

Sumaq sumaq qellqapi

Manuelchapa guitarrampi

Tayta Jaime Guardiapa charanguchampi

Runap sunqun takiqpa rimayninpi

Mana kaq wawallanchikwanmi suyallasqayki

Sumaq qellqapa wiqinpi, yawarninpi

Suyayniytam awallachkani

Kuyakuq ñawichallayman chayarimunaykipaq

Qunqarullawaqtaq

Chukchuwan runa hina katkatataspaymi suyapayallachkasqayki.